20 يوليو 2025 16:11 24 محرّم 1447
النهار

رئيس مجلس الإدارة ورئيس التحرير أسامة شرشر

  • بنك مصر
رئيس جامعة المنصورة يستقبل مفتي الجمهورية لبحث سبل التعاون المشترك وتعزيز الوعي الدينيانطلاق امتحانات الدور الثاني لصفوف النقل بالأزهر في الغربية ومتابعة ميدانية لرئيس المنطقة ببسيونالبحر الأحمر تناقش المخطط الاستراتيجي العام لمدينة الغردقة حتي عام 2030رئيس شركة مياه الغربية يترأس اجتماع لجنة سلامة المياه ويتسلم شهادة اعتماد لمحطة طنطامحافظ الدقهلية: أنا قاعد مع الناس لحد ما تخلصوا مصالحهماستمرار أعمال تطوير طريق ”الشين - قطور” لتحقيق سيولة مرورية وإنهاء معاناة الأهاليمحافظ الدقهلية يتابع وصول مياه الشرب بالبر الشرقي في نبروهتطوير شامل بمركز شباب كفر الزيات وتحويله إلى منصة تنموية لخدمة شباب الغربيةحبس المتهمين بإنهاء حياة مسن بـ”عصا” في القناطر الخيريةطارق الشناوي يعلق على قرار نقيب الممثلين بفرض غرامة على ”البلوجرز” ومنعهم من التمثيلبخبرات تتخطى 38 عاماً ”إيمان وافي” رئيساً لقطاع البترول والطاقة بشركات ”ICT Misr” و”IoT Misr” و ”ICT Libya”الكراملين : مسألة توريد أوروبا الأسلحة إلى أوكرانيا اتجاه خطير للغاية
فن

المطربة شذا ترد علي حسن شاكوش بعد مهاجمته لها وانكاره معرفتها

النهار

كتبت الفنانة "شذا" ،منشورا عبر صفحتها الشخصية على موقع الفيسبوك ، ترد فيه على تصريحات "حسن شاكوش"، جاء نصه:«طب أنت مستفز يا شكشك بدل كلمة مستفز بتعصبك ودكتورة بسمة وهبة علشان هي ست شيك، قالتلك شذى فنانة زميلة عشان تجبر بخاطرك بس الحقيقة أنت لا فنان ولا زميل».

وتابعت: «قالتلك شذى فنانة زميلة علشان تجبر بخاطرك بس الحقيقة أنت لا فنان ولا زميل بالنسبالي خالص، أنت مؤدي، وبالنسبالي صوتك مزعج إنما فنان زميل دي أنا اعترض عليها بشده ودي الحقيقة بس علشان دكتورة بسمة مؤدبة وأنت ضيفها مقلتلكش الحقيقة».

وواصلت: «أصلًا مينفعش تسأل مين دي مش علشان لازم تكون عارفني بيني وبينك اريح لو متعرفنيش، وتعمل الشويتين بتوع ااااااه عارف اسمها ومش عارف اغانيها ومال شكلها اتغير كده ليه وجو 3 ورقات ده».

وأردفت :«لأن الرد موجود ما انا أو محدش فاكرني ولا عرفني مش هيجيبوا كلامي وأصلا اسماء الاغاني اللي انت قولتها دي تتكتب على تكاتك متعملش فيها بيتهوفن والنبي ومش معنى أن في هيصه الفتره دي على اللون ده أن أنت واللي زيك صناع المزيكا في مصر ابدا والله انتوا فاضحنا في العالم كله بردائه المزيكا اللي بتقدموها».

واختتمت قائلة: «وعموما وعمليا ردك ملهوش دعوه خالص بالسؤال ولا فهمت منك حاجة ومش عيب أنك تحضر قبل الحلقة عفوي وعلى طبيعتك دي لما تكون قاعد على مصطبه أو واثق في ردودك الذكية المنطقيه اللي هي مش موجوده اصلا ف إبقى حضر بعد إذنك علشان بدوخ المذيعين معاك...ملحوظه الجاكت اللي كنت لابسه حريمي يا فنان».

وكان "حسن شاكوش "مؤدي المهرجانات في لقاء له مع الإعلامية "بسمه وهبه" في برنامج "العرافة"،قد هاجم الفنانة شذى بعدما وجهت له انتقادات وقالت إنه لا يجيد الحديث، وقال شاكوش:هي بتغني؟.. هي دي مغنية؟.. بتغني إيه؟؟ معرفهاش والله العظيم، أنتِ حافظة لها أغاني.

وأضاف شاكوش: ربنا يتولاها، أنا مش مستفز زي ما هي بتقول، أنا بتكلم بطبيعتي ومبحضرش، لكن أنا مبغلطش، ومش بحب أكون FAKE.

البنك الأهلي المصري