ليلى زاهر: أنا عايزة أبقى أم صغيرة وقريبة من أولادي

علقت الفنانة ليلى زاهر، على خطوبتها في سن مبكر من المنتج هشام جمال، وهي في سن الـ21 عام.

وقالت ليلى زاهر، خلال لقائها في بودكاست "كلام عائلي": "أنا بحب العيلة لأنها بالنسبة لي شيء مقدس، وكمان بحب أكون جزءا منها، وأنا عايزة أبقى أم صغيرة وقريبة كدا من أولادها، وأنا لست من ضمن الناس اللي هتقول مش عايزة أبوظ جسمي وأحافظ على رشاقتي، لأن دا بيبوظ بالآخر".

وأضافت: "أهم حاجة بالنسبة ليا الواحد يعرف هو إزاي يحافظ على العلاقة دي من دون تدخل أي شخص في الحياة مهما كان مين هو، ولو في مشكلة هتخلص ما بينا إحنا مش هتخرج بره".

وكانت أخر الأعمال التي شاركت بها ليلى زاهر، هي مسلسل "أعلى نسبة مشاهدة"، بالإشتراك مع سلمى أبو ضيف، وفرح يوسف، ومحمد محمود، وأحمد فهيم، وإسلام إبراهيم، وانتصار، وغيرهم من الفنانين، والعمل من تأليف سمر طاهر، ومن إخراج ياسمين أحمد كامل.