حفيد فؤاد المهندس: كنت طفلا فضولى، و جدى كان صارما جدا .. وأكثر مسرحية أحبها له ”سك علي بناتك”

قال عمر المهندس، حفيد الفنان فؤاد المهندس: إن "جدى ترك أثرا واسما كبيرا جدا سيظل خالدا لكل الأجيال، و عشت مع جدى فى الزمالك، إحنا كنا في الدور الثامن، وهو فى السابع ، وفضلت معاه لحد ما وصلت ١٦ سنة، وتوفى".

جاء ذلك خلال مداخلة هاتفية لإحدي البرامج الإذاعية.

و أضاف عمر المهندس: "مسرحية "سك على بناتك" هى أكثر حاجة بتفرج عليها كل يوم من غير ما أمل، و أرى أن جدى كان عنده إمكانيات أكبر لم يتم استغلالها، و كنت مساعد مخرج مع شريف عرفة لمدة خمس سنوات و عملت فيهم كذا حاجة منها تامر وشوقية والجزيرة".

وتابع: "بحب أخرج أكتر من إنى أمثل، وورثت اسم كبير جدا، كل حد يتعرف عليا يبتسم تلقائى، أظن إنى أشبه جدى فى حبي فى التركيز في الشغل وحبى للفن".

واختتم قائلا: "كنت طفلا فضولى وبسأل جدى كتير قوى، يعنى مثلا في فيلم اخطر رجل فى العالم، سألته إزاى طلعت بشخصين، وضربتوا بعض وكده، وهو عمره ما بخل بمعلومة ابدا، و جدى فؤاد المهندس، كان صارم جدا، وبيهتم بالمواعيد فى الشغل، وكمان برنامجه اليومى، وكان عنده الأكل بميعاد والقهوة كمان".