”ولادنا حسوا بفرق”.. عمرو يوسف يوجه رسالة شكر إلى ”الرئيس السيسي”

حرص الفنان عمرو يوسف على توجيه الشكر للرئيس عبد الفتاح السيسي، بعد دعمه لأطفال احتفالية "قادرون باختلاف" التي أقيمت بمركز المنارة، قائلا "عايز أشكر حضرتك على مجهودك ودعمك لأطفال قادرون باختلاف، حضرتك قدوة لكل الناس، نظرتنا وفهمنا لأولادنا بقا مختلف، ولادنا حسوا بفرق كبير في التعامل معهم في الشارع وفي المجتمع.

وكان قد طالب الفنان عمرو يوسف جمهوره ومتابعيه بالتبرع لـ مستشفى 57357 بعد معاناته بسبب قلة التبرعات، وذلك من خلال منشور له عبر حسابه الشخصي على موقع تبادل الصور والفيديوهات "إنستجرام"، حيث نشر عمرو يوسف مقطع فيديو له، قال فيه: "محدش طلب مني أعمل الفيديو دا.. مستشفى 57357 هذا الصرح العظيم بيقفل.. المستشفى دا قائم بشكل كبير على تبرعاتنا وفيه فرع في طنطا سمعت أنه قفل".

وتابع: "والحقيقة أنا بقالي فترة بسمع كلام كتير عن أن المستشفى حالته صعبة جدا لأن التبرعات بتاعته قلت، المكان دا أنا روحته من كذا سنة والحقيقة هو مكان عظيم والناس اللي هناك محترمة جدا والشغل اللي بيعملوه غيرطبيعي، طب دلوقتي فيه أزمة اقتصادية واحنا كنا بنتبرع بس دلوقتي إحنا مش قادرين نتبرع.. مش مشكلة نتبرع.. كنت بتتبرع بكام.. لو كنت بتتبرع بألف خليهم 800.. مش قادر خليهم 500.. مش قادر خليهم 100.. صدقوني الجنيه بيفرق معاهم".