بعداتهامه لصناع فيلم«تاج» بالسرقة.. أحمد التهامي لـ«النهار»: تامر حسني حبيبي وإن شاء الله المشكلة تتحل

علق الفنان أحمد التهامي، على أزمته مع صناع فيلم «تاج»، بعد اتهامه لهم بسرقة فكرة الفيلم منه، مُضيفًا أنه يحب الفنان تامر حسني على المستوى الفني والشخصي وأخويا وحبيبي واشتغلت معاه قبل كدا.

وقال «التهامي»، في تصريحات خاصة لـ«النهار»، أنا مش هاقدر أقول حاجة أزيد من اللي كتبته في البوست على صفحتي، مُضيفًا تامر نجم كبير وإن شاء الله الموضوع يتحل بإذن الله.

وكان الفنان أحمد التهامي، فجَّر مفاجأة عبر حسابه الشخصي على موقع التواصل الاجتماعي «فيسبوك»، مدوِّنًا منشورًا ، اتهم فيه صناع العمل بسرقة فكرته التي سبق وسجلها في الشهر العقاري باسمه.

ودوَّن «التهامي»، في منشوره: "أنا سكت كتير عن حقي عشان ما زعلش حد مني.. اتشلت من أدوار كتير وقولت مش مهم ولحد دلوقتي مش واخد حقي الفني والأدبي والمادي اللي يليق بمجهودي وتعبي في مشواري الفني وقولت كل شيء نصيب والحمدلله على حب الناس والدنيا مستورة والحمدلله".

وأضاف: "إنما توصل إن مشروعي مشروع عمري اللي أنا تعبت فيه في كتابته ولفيت بيه على معظم شركات الإنتاج ولسه عندي يقين وإيمان بالله إن هيجي يوم واعمله يتسرق مني، ويعمله حد تاني بغض النظر ده فيلمي ومشروعي وأنا أول واحد من ١٠ سنين فكرت في فكرة البطل الخارق وطول الفترة دي كان يتسرق أجزاء من الفيلم وأقول عادي، إنما «التوأم الخارق»، ده بتاعي ومسجله في المصنفات والشهر العقاري".

واختتم، الفنان أحمد التهامي منشوره، مدوِّنًا: "تامر حسني صاحبي وأخويا وأكيد مايعرفش المعلومة دي أرجو الرسالة توصله لأن أكيد في ناس كتير مؤذية وحسبي الله ونعم الوكيل، أنا حاولت أوصل لـ تامر حسني ومعرفتش".

يُشار إلى بدء الفنان تامر حسني تصوير فيلمه الجديد «تاج»، استعدادًا لطرحه في دور العرض السينمائي بموسم الصيف، والذي يجسد خلال فيلم «تاج»، شخصيتين لأخين توأم «السوبر هيرو».