حسام داغر بعد خروجه من العناية المركزة: حمزة العيلي لحقني

طمأن الفنان حسام داغر، جمهوره على حالته الضحية، عقب مروره بوعكة صحية، خلال الأيام القليلة الماصية، أسفرت عن دخوله العناية المركزة، مؤكدًا أن دعوات الجمهور له أنقذته.

وبحسب «داغر»، عبر حسابه الشخصي بموقع التواصل الاجتماعي «فيسبوك»، صديقه الفنان حمزة العيلي هو من أنقذه، بعدما لاحظ إرهاقه الشديد ونقله إلى المستشفى، مُدوِّنًا: "الحمد لله رب العالمين قدر ربنا ولطف بيا، في الأزمة الصحية اللي مريت بيها اليومين اللي فاتوا، ولولا فضل ربنا، وتدخل فريق الأطباء، الحمد لله خرجت من العناية من وضع الحرج اللي كنت فيه، بشكر فريق الأطباء، وبشكر دكتور أشرف زكي لمتابعته الوضع، إلى أن استقرت حالتي الحمد لله، وبشكر أخويا صاحبي حمزة العيلي، لأنه هو اللي لحقني وأصر ونقلني المستشفى من البيت، وأنا تعبان هو وأحمد أخويا ووقفته جمبي في المستشفى".

واختتم حسام داغر، منشوره قائلًا: "حابب أشكر وأطمن كل الناس اللي كلموني، واطمنوا عليا وجم ليا المستشفى أو البيت، أنا الحمد لله تحت الرعاية الطبية في البيت، وبحاول أرد على كل اللي بعت لي، أو أطمن عليّ واحد واحد، لأن كلمة شكرًا قليلة حقيقي على اللي حسيت بيه، من حب واهتمام كبير مالي قلوبكم، ودعوات الناس الكتير ليا بالشفاء، هى اللي سرّعت علاجي وعجّلت بشفائي.. الحمد لله على كل شيء".