بسنت السبقي: توقفت عن التمثيل لأن خطيبي تامر حسني رفض عملي بالميديا

كشفت الفنانة بسنت السبقي خلال احدى البرامج التليفزيونية عن خطبتها السابقة من الفنان تامر حسني في بداية دخولها لعالم الفن قائلة: توقفت عن التمثيل لأن خطيبي تامر حسني رفض شغلى فى الميديا وفى الوقت دة كنت بشتغل مذيعة ومراسلة ووافقته فى الرأي.

كما كشفت عن تفاصيل بداية علاقتها وارتباطها بالفنان تامر حسني وطبيعة علاقتهم بعد الانفصال قائلة: "تامر حسنى مكنش عنده رغبة أنى اشتغل ومبيحبش المواعيد المتأخرة
حد يدايقنى حد يزعلنى والموضوع جه فجأة فى أسبوع ارتبطنا، على الرغم من انفصالنا إلا اننا اشتغلنا مع بعض فى مسلسل آدم بينا كل احترام وهو من البنى آدمين اللذاذ المحترمين وتواجدى فى آدم جاء صدفة والعمل دة جه بعد فرق وقت كبير من الانفصال بينا واتعاملنا عادى هو بس كان مستغرب أنى بقيت ممثلة".

كما كشفت عن رغبتها في العمل كمذيعة والتي كانت رغبتها الأولى قبل التمثيل: "أتمنى العمل كمذيعة وهوايتى التمثيل وافكر فى خطوة العودة كمذيعة من جديد، التمثيل مش شغلانة التمثيل موهبة انا بحبها مش بعملها علشان عايزة فلوس أو ابقى مشهورة انا بعملها علشان انا مبعرفش اعمل حاجة بالاتقان أو بالتركيز الا فى التمثيل".