ربنا أداني نجاح يؤثر في الناس وهنعمل جزء ثاني من جعفر العمدة.. محمد رمضان من على ريد كاربت ”مهرجان القاهرة للدراما”

اكد الفنان "محمد رمضان" انه حرص بشدة على حضور مهرجان القاهرة للدراما لفخره بمدينة العلمين الجديدة وعلق قائلا في تصريحات تليفزيونية له من على ريد كاربت المهرجان: "العلمين هي سبب وجودي وكل الجوايز اللى خدتها السنادي اعتذرت عن استلامها ولكن انا جيت هنا عشان مبسوط بمدينة العلمين اكتر من انبساطي بالمهرجان.. الكلام ده اتعمل في وقت قياسي .. وفخور بوجودى على أرض مصرية".

وعن نجاح مسلسل "جعفر العمدة" في رمضان الماضي، قال "رمضان": "اتشجعت اعمل الجزء الثاني بعد نجاح الجزء الأول.. اكيد لو مكنش نجح مكنتش هفكر اعمل جزء ثاني".

وتابع "رمضان" حديثه قائلا : "المسلسل لمس الجمهور بشكل كبير وحقق نجاح على المستوي العربي مبسوط بيه جدا".

وعن سر تصدر مسلسلاته للتريند في كل موسم رمضاني قال "رمضان" : "السر وماتوفيقي الا بالله وده لاني بجتهد وبخلص في شغلي وبحاول أخاطب عقول الناس وبجتهد انهم يصدقوني".

وعن متابعة تعليقات السوشيال ميديا اثناء عرض مسلسلاته قال "رمضان": "أنا بتابع جمهوري زي ماجمهوري بيتابعني وبحاول اشوف ايه اللى عاجبهم وايه لا.. احنا شغالين عشانهم والحفاظ عليهم شئ مش سهل.. وفكر الجمهور بيختلف وده لازم يخلينا نتطور معاه ونفكر زي ماهو بيفكر".

واختتم "رمضان" حديثه قائلا: "من أول يوم وانا حاسس بالمسئولية.. أول ما لمست ان ربنا مديني نجاح يؤثر في الناس بشكل كبير ويارب يقدرني ويعني على تحمل هذه المسئولية".