لمياء راتب تحيي ذكرى وفاة والدها الفنان أحمد راتب بكلمات مؤثرة

حرصت لمياء راتب ابنة الفنان أحمد راتب علي إحياء ذكري والدها ،الذي رحل عن عالمنا في مثل هذا اليوم يوم 14 ديسمبر، معبرة عن حزنها الشديد لفقدانه.

وكتبت لمياء راتب عبر حسابها الرسمي بموقع التواصل الاجتماعي " انستجرام " قائلة :"لما يسيبك حبيب وواحدة واحدة بتبدأ تستوعب بتلاقي نفسك بتسأل يعني خلاص كده، خلاص بجد ، يعني مفيش حتة أمل صغيرة إنك ترجع ، طب ما أنت لسه جوايا، لسه صوتك في ودني ، وشكلك محفور جوايا، إزاي كل اللي بينا ده مبقاش ليه أي ترجمة في الواقع ، إزاي اختفيت كده من كل حاجة ، هفضل مع الحاجات الي جوايا دي لوحدي إزاي ، فيه كتير بيقولوا إنك لسه حاسس بيا وشايفني، طيب شوفتني وأنا بعيط كل يوم من شوقي ليك، شوفتني وأنا بموت كل يوم علي وش الدنيا، حسيت برعشة قلبي كل لما أشوف صورتك ، وصلك عجزي لما بضعف ومش بلاقيك، طيب لما بنادي عليك بليل بالدعاء بتسمعني، يعني أنت عارف غيابك عمل فيا إيه، أنا بعترف أن عايشة في صدمة من يوم ما أبويا سابني ، أنا بسميها كسرة بسميها عجز بسميها شوق مالوش مكان يروحه، بسميها ذكريات بتدبح الروح ".

ويذكر أن الفنان الراحل أحمد راتب شارك في العديد من الأعمال الفنية أبرزها ، الإرهاب والكباب ،بخيت وعديلة ، مسرحية الزعيم ، مسلسل هند والدكتور نعمان ، السيرة الهلالية، وقدم خلال مشواره الفني أكثر من 500 عمل فني من دراما وسينما ومسرح .