تامر حسنى يوجه رسالة خاصة لجمهوره

أعرب الفنان تامر حسني عن محبته الشديدة لجمهوره، وارتباطه بهم وتعلقه بدعائهم له، وذلك من خلال تعليقاتهم على منشوراته وصوره عبر مواقع التواصل الاجتماعي.

ونشر تامر منشورًا عبر صفحته الرسمية على موقع التواصل الاجتماعي فيسبوك: مساء وصباح العسل على الناس الحلوه، مش عايز أقول غير بحبكم والله من كل قلبي، لما بدخل كل شوية أشوف تعليقاتكم بحس اني عايز اقولكم كده وخصوصًا لما ألاقي ناس بتدعيلي في ظهر الغيب بقول أحمدك يا رب، دي نعمة كبيرة أوي أصل أنا بقدر اوي الدعاء لانه أغلى هدايا الدنيا والآخره.

وأضاف تامر حسني موجها رسالة لجمهوره :لما بزعل وببقى حزين بدخل أقرا كلامكم بقوى تاني، والله والله دي حقيقة ربنا يخليكوا ليا عشان كده محدش يستغرب لما بفضل طول الوقت انزلكم حاجات تفيدكم أو تعرفكم معلومه تنفعكم، انا بحبكم من قلبي اقسم بالله من اعماق قلبي بحسكم من أهلي بجد لإن طريقة كلامكم ليا مش جمهور ونجم ابدًا.

واختتم تامر:أنا بحس في كل تعليق بيتكتب اني صاحب أو من أهل اللي بيكتب عشان كده بقولكم شكراً، وبحبكم لأنه إحساس حلاوته متتوصفش.