فريدة سيف النصر تكشف سبب اعتذارها عن التكريمات: مش من هوواة لم شهادات وتماثيل

أكدت الفنانة فريدة سيف النصر، أنها دائما ترفض التكريمكات التي تعرض عليها بعد نجاح أي عمل شاركت فيه، أشارت إلى أنها ليست من هواة الفنانين الذين يجرون وراء الشهادات، من أجل الظهور والتكريم وكأنهم رقم واحد في العمل.

وكتبت فريدة سيف النصر منشورًا، عبر حسابها الشخصي بموقع التواصل الاجتماعي قالت فيه: والنبي ما تزعلوا مني افهموا طبعي، والله العظيم ده التكريم 15، وقبله جرائد كبيرة وقنوات وحتى في لبنان وجريت هربت، وكل سنة كتير، أنا مش من هوواة لم شهادات وتماثيل.. وأجري لوحدي وكأني نمبر وان العمل، لأ أي عمل عملته وراه ناس كتير أوي لنجاحي.

وأضافت " فريدة سيف النصر: أنا باخد اللي أكبر من كل ده أنا في حضن قلبي جمهوري، واللي بيعمله معايا دائمًا رغم أي حد بيردم على نجاحي تراب، هما بيشيلوا التراب ويحطوا دهب والماس، بحبهم اللي كنوز الدنيا ما تقدرش تشتريه لأي حد.. أعتذر كل تكريم وبحبكم لكن من الظلم ترك الآخرين في الظل.

وأختمت " سامحوني دي فريدة وتفكيرها اللي جايبني ورا لكن هاعمل إيه دي أنا، بالمناسبة باتكلم عن زملاء عجبوني أوي اتقال لي انتي عبيطة بتنوري غيرك اللي ماجابش سيرتك تاني، أنا مالي دي أنا، ويمكن ضميري ده اللي محبب خلق الله فيا بأمر من رب العالمين، يا ناس خلوها على الله دي كلها متر في متر فوقوا والنبي.