بعد انتقاده لها في العتاولة .. زينة لـ«طارق الشناوي» : «مينفعش تتكلم عن طموحك الشخصي ليا»

علقت الفنانة زينة على أسلوب الناقد الفني طارق الشناوي في انتقاد أعمالها، معبرة عن استيائها بتدخله في أمور شخصية.

وقالت زينة خلال لقائها في برنامج الحكاية مع الإعلامي عمرو أديب: لما عملت الليلة واللي فيها نجح وكسر الدنيا ولما جه ينقد العمل قال زينة أخيرا خرحت من مشاكلها مالك ومال الكلام ده ولما عملت العتاولة قال زينة سابت البطولات المطلقة وزعلانة لأ أنا مش زعلانة أنا بعمل عمل مع نجوم كبار وأحمد السقا اسم كبير وباسم سمرة وطارق لطفي وشركة كبيرة زي الصباح.

وأضافت زينة: عارفة أنك بتحبني ولكن مينفعش حضرتك تتكلم عن طموحك الشخصي ليا اتكلم يحيادية علشان استفيد منك، ولما تقولي حاجة تكون بناءة، وكمان الأجيال الجاية تستفيد.

ومن ناحيته، علق المخرج أحمد خالد موسى على الانتقادات التي قد توجه لهم، قائلًا: قناة إم بي سي وهي أهم محطة في الشرق الأوسط طلبت جزءًا ثانٍ من المسلسل بنفس الأبطال أكيد مش هيعملوا ده مجاملة، لأن أي حد يقدر يكون موجود في المكان ده والميعاد ده وفيه تقاير بتوري نسب المشاهد الحقيقية.

بدوره قال مصطفى أبو سريع: مينفعش أكون ناقد وأنقد بطريقة تنتقد، كده بقى النقد الحرام أهو.. وفي ناقدة سيدة قالت كلام عني بسبب أنها شافت مشهد فحكمت على الدور كامل والمسلسل، ولكن المفروض تشوف عمل وبعدين تقيم ومينفعش تنتقد بطريقة فيها تجاوز.