19 يوليو 2025 10:34 23 محرّم 1447
النهار

رئيس مجلس الإدارة ورئيس التحرير أسامة شرشر

  • بنك مصر
غطاء نباتي كثيف يغزو نهر سوهاج.. وأهالي المدينة يطالبون بتدخل عاجللماذا تخشى إسرائيل من النفوذ التركي في سوريا؟إلى أي مدى سعت إسرائيل للتحول إلى الفاعل الأهم في الملف السوري؟كيف سعت إسرائيل لتحقيق مكاسب سياسية من أحداث سوريا؟”مخطط شيطاني وجريمة بشعة”.. مرافعة قوية للنيابة العامة بإنهاء حياة شاب علي يد اصدقائه طعناً وحرقاً بالجيزةكيف اتخذت إسرائيل من أحداث سوريا سبباً لتدخلاتها غير المُبررة؟CFI الشريك الرسمي للتداول الإلكتروني للاتحاد المصري لكرة السلةاستعدادات واسعة وآمال كبيرة في ممارسة الحق الدستوري حتى من خارج الوطن. ندوة ”بناء الصلابة النفسية” بمعرض مكتبة الإسكندرية الدولي للكتابأداة وحيدة تسبب في أزمة سوريا.. خبير عسكري واستراتيجي يكشف مفاجأةطلاب جامعة بنها يشاركون في المدرسة الصيفية الدولية بجامعة وسط الصين الزراعيةباكستان تدين الإرهاب بجميع أشكاله وتحث المجتمع الدولي لاعتماد سياسات موضوعية لمواجهة هذا الخطر العالمي
فن

الست لو اتطلقت تاخد نص ثروة جوزها.. شاهد تصريحات نهى عابدين النارية في «كلام الناس»

نهي عابدين
نهي عابدين

حلت الفنانة نهي عابدين ضيفة في برنامج كلام الناس مع الإعلامية ياسمين عز، الذي تقدمه على قناة إم بي سي مصر.

وصرحت نهي عابدين خلال اللقاء مع ياسمين عز عدة تصريحات نرصدها لكم في السطور التالية:

- أنا مش عايزة أكون مكررة، وأي ممثل بيعمل دور وبينجح أوي الناس بتناديه باسم الشخصية ويربطوا بين الشخصية والممثل، وبيعرضوا علينا كتير نفس الشخصية، وبقرر أني لازم أغير جلدي علشان ميحصرونيش في دور معين.

- أي بني آدم طول ما هو ماشي في الحياة وبيكبر بيجرب لغاية ما بيلاقي نفسه مشدود لحاجة، وأنا مؤمنة بموضوع الشغف والحمد لله أني بشتغل حاجة بحبها ودي نعمة عظيمة.

اقرأ أيضاً

- كلنا بلا استثناء بيظهر علينا أعراض عدم اتزان الشخصية بصور مختلفة، والممثل بيشتغل بجهازه العصبي والنفسي، وفي الآخر المفروض البني آدم يعمل إعادة تأهيل لنفسيته.

- قولت الست لو اطلقت تاخد نص ثروة جوزها من كتر اللي بتشوفه ولكن بهزار، إحنا بنشوف بلاوي في محاكم الأسرة، ولكن برضو ممكن الست تكون مش كويسة والحياة فيها حاجات كتير غير عادلة.

- محظوظ اللي في بداية حياته المهنية يتعامل مع ناس عندها خبرة، وده أثر على تفكيري ومنظوري في الحياة، أنا بحب اللي يعلمني ويوريني مناطق جديدة في الحياة، والفنان يحيى الفخراني أضاف ليا كتير.

- أنا مش رشيقة ولا حاجة، أنا بني آدمة قبل ما أبقى أم وممثلة، ساعات بتخن وساعات بخس على حسب مودي، ممكن يجيلي دور وأبقى متحمسة ليه وأظبط جسمي علشانه، ولكن في الآخر أنا بني آدمة، وأي حد يقف قدام الكاميرا لازم ياخد باله من شكله.

- أنا مش مضطرة ألبس على ذوق حد من الدولاب، ده بيقضي على هوية البني آدم.

- الممثل لحم ودم وممكن يعدي بفترات عدم اتزان ويبقى مش شايف الجمهور صح، وممكن ياخد قرارات غلط، ومش غلط أن الإنسان يشتغل على نفسه، وفي ناس بتكابر وبتنكر أن عندها مشكلة.

- أنا ضد مبدأ أني أتمنى أن ابني يبقى حاجة معينة، هو يختار اللي عايزه ويعمل الحاجة اللي بيحبها.

- أتمنى أن كل واحد يركز في نفسه ويبص في ورقته، وأني أعيش في سلام نفسي.

- مفيش مواصفات لـ رجل أحلامي، وكل مرحلة في الحياة بشوف الحياة بشكل معين حسب اللي شوفته قبل كده وأولوياتي.

- مفيش مواصفات لرجل أحلامي هو أنا بشتري مطبخ؟، لكن الشكل مبيفرقش معايا دلوقتي ومش أهم حاجة، ولازم يحترمني ويحترم الحاجات اللي بحبها، وبتقبل الاختلاف.

نهي عابدين ياسمين عز توحة العتاولة كلام الناس
البنك الأهلي المصري