إيدي اليمين مرزبة.. أول رد من شاب الساحل على اعتذار محمد رمضان

نشر الشاب كريم شلبي، صاحب واقعة الصفع المتبادل مع الفنان محمد رمضان في الساحل الشمالي، مقطع فيديو جديد، كشف من خلاله عن رأيه في اعتذار "رمضان" بعد أيام من الواقعة التي تصدرت مواقع التواصل الاجتماعي.

وظهر كريم شلبي في سيارته؛ خلال مقطع فيديو؛ معلقًا على اعتذار محمد رمضان قائلًا: «ذا كانت أيدي الشمال ناموسة فأيدي اليمين مرزبة، وشكرا لكل واحد وقف معايا ودافع عني، وأنا أما اتكلمت اعترفت بخطئي لأن الاعتراف بالحق فضيلة.

وتابع: الحمد لله أنا شبعان من حب الناس وعيني مليانة من صغري، فأنا مطلعتش اتكلم في أي قناة أو فيديو علشان أنا مش زي ما بتقولوا طالع أركب ترند.

أما عن اعتذار «رمضان» علق قائلًا: اعتذارك طبعًا على راسي من فوق، بس فيه ناس بتتولد صغيرة وبتكبر، وفيه ناس بتتولد صغيرة وبتفضل صغيرة، ولما روحت مكتب الأمن وأنت واخد مني التليفون قالولي نعمل محضر قولتلهم لأ العفو عند المقدرة زي ما النبي قال، وفي الآخر لو حد طالع من الحوار ده مرضي فهو أنا، وشكرا لكل واحد وقف في صفي.

اعتذار محمد رمضان

الجدير بالذكر أن الفنان محمد رمضان نشر فيديو عبر حسابه الرسمي على انستجرام، وجه من خلاله اعتذار للشاب، كما شرح واقعة الصفع المتبادل التي أثارت مواقع التواصل الاجتماعي.

وقال «رمضان»: بعتذر لأهل الولد الصغير إن ايدي اتمدت عليه، وبعترف بخطئي، ولما هو غلط في الأول قلعته الكاب وبصيت في وشه فغلط تاني قلتله هات التليفون ولم أتمالك نفسي ضربته قلم بسيط طير الكاب والنضارة، ولو هنعتبر الناموسة اللي وقفت على خدي قلم فأنا استاهل 5 عشان مديت إيدي على عيل صغير.