ميدو مطالبًا الزمالك الاعتماد على الناشئين: مفيش لاعب بشخصية حسام عبد المجيد

وجّه أحمد حسام ميدو نجم الزمالك السابق، رسالة إلى مسؤولي القلعة البيضاء بضرورة تدعيم صفوف الفريق الأول لكرة القدم بلاعبين من قطاع الناشئين، خلال الفترة المقبلة.

كتب ميدو عبر حسابه الرسمي على موقع إكس: على الزمالك الاعتماد على أولاده، لا يمكن أبدًا تلاقي لاعب في الدوري المصري بشخصية حسام عبد المجيد، لا يمكن أبدا تلاقي بره لاعب بشخصية محمد السيد.

وأضاف ميدو: أنا بقولكم وأنا بروح اتفرج على ماتشات ناشئين كتير، فريق 2005 عندنا في النادي في كنوز وفيه لاعيبة لو أخدت فرصة هتبقى أحسن من أي حد تجيبه من بره.

واختتم ميدو: لازم الزمالك يستغل وجود لاعيبة كبار في الفريق الأول يقدروا يساعدوا ولادنا في إنهم يكتسبوا خبرات بسرعة، لازم يبقى 40% على الأقل من قوام الفريق الأول من ولاد النادي، وده طبعا محتاج خطة 3 سنين على الأقل.