يوسف الشريف: يوسف شاهين عقدني ومقدمتش مسرح بسببه.. وهذا رأيي في أدوار البلطجة

أكد النجم يوسف الشريف أنه لم يقدم أي عمل مسرحي حتى الآن متمنيا أن يقدم مستقبلا مسرحية، قائلا: "معملتش مسرح خالص عشان يوسف شاهين عقدني منه".

و جاء ذلك خلال الجلسة الحوارية بعنوان “علاقة الدراما بالمجتمع والجمهور”، ضمن فعاليات ملتقى سيني جونة بالدورة السابعة من مهرجان الجونة السينمائي، بحضور كل من المخرج كريم الشناوي، النجمة نيللي كريم، النجم يوسف الشريف، الكاتب شريف عبد المسيح، ويدير الندوة مينا النجار.

وتابع يوسف خلال الندوة: لو افترضنا تأثير الدراما على المجتمع، بتيجي من خلال رسالة واضحة وتمس مشاعر الجمهور، والحاجة التانية مشهد يمس قلوب الناس.

وأسترسل: وتبدأ الناس تخلي بالها من حاجة معينة، زي مافي أعمال الناس بتقول أني في أعمال بتناقش البلطجة، ووجهة نظري أنا إن مناقشة الأمور السلبية في المجتمع أمر جيد، ولكن لو كترت بتبقى غلط.

وأضاف: انا في بداية حياتي درست هندسة قسم ميكانيكا، وكنت بدور على حاجة ألاقي نفسي فيها، ووقت مسلسل رقم مجهول الناس قالت إيه الفكرة يعني رقم غريب بيكلمك!.

واختتم يوسف: وقلت استني وراهنت على الجمهور، وفعلا السنة اللي بعدها الناس كانت بتطلب أعمال درامية زيه، هو كدا كل ماتقدم حاجة جديدة دائما بيبقي فيها تضارب، أي حاجة جديدة هتتعمل بطريقة كويسة هتنجح.