وائل القباني: نتاج إمام عاشور في مباراة الاتحاد «باصتين وشوطة».. وهذا هو الحل

علق وائل القباني، نجم نادي الزمالك السابق، على مستوى إمام عاشور مع الأهلي خلال مباراة الاتحاد السكندري في الدوري الممتاز، مشيرًا إلى أن الحل هو مشاركة محمد مجدي أفشة بدلًا منه.

وانتهت مباراة الأهلي مع الاتحاد السكندري، بالتعادل الإيجابي بهدف لكل فريق في المباراة التي اقيمت بينهما مساء الجمعة، ضمن مباريات الجولة الثالثة من بطولة الدوري الممتاز.

وقال القباني في تصريح تليفزيوني عبر شاشة «النهار»: «نتاج إمام عاشور مع الأهلي في مباراة الاتحاد السكندري، شوطة واتنين باص، وشكرًا على كدة، بصوا بقى في المقابل قلة التركيز وكمية الاستعجال في التسديد».

وأضاف: «مش هتكلم على ركلة الجزاء، عشان لو اتكلمت يبقى أنا مبفهمش كورة، أي حد ممكن يهدر ضربة جزاء بأي شكل وأي طريقة فيمنفعش أظلمه».

وأكمل: «لما نتكلم على مستوى إمام عاشور هتلاقيه مش أحسن حاجة، والسبب أن الجمهور والإعلام رفعوه السما، فيمنفعش لاعب يلعب مباراة كويسة نتكلم ونشيد بيه أسبوع».

وأردف: «عايزين نشوف إمكانيات إمام عاشور، اللي فيه ده مش عايز أقول إنه دلع، بس ممكن يكون واثق أنه هيبقى موجود وهيشارك في أي وقت».

وأتم القباني تصريحه قائلًا: «أفشة موجود ولما بيلعب بيبقى كويس، ليه مدهوش فرصة؟ لازم إمام عاشور يبقى عنده اشتياق للملعب، مينفعش لاعب يفضل مستواه وحش وأديله على طول».