«سيد عبدالحفيظ ظلمه».. تعليق مثير من نجم الزمالك السابق على أداء محمد رمضان مع الأهلي

قال تامر عبدالحميد نجم الزمالك السابق، إن فريق الكرة الأول بالنادي الأهلي لديه مشاكل منذ قدوم محمد رمضان مدير رياضي، المشاكل مكنتش كتيرة كدة قبل مايجي بل بالعكس دلوقتي زيادة.

وأضاف تامر عبدالحميد في تصريحات تليفزيونية عبر شاشة «إم بي سي مصر»: «إدارة الكرة في النادي الأهلي أذكية جدًا، عشان كدة بدأو يشتغلوا أنهم يجيبوا حد مساعد لـ محمد رمضان ويكون مدير الكرة أو القائم عليها».

وأكمل: «محمد رمضان غير متوافق مع فكر وأسلوب وطريقة النادي الأهلي، بسبب عامل السن، وكل شيخ وليه طريقة مش بقول إنه غلط لأ بالعكس، بس الفترة دي مع الجيل ده ميمشوش مع بعض».

وأردف: «الأهلي مش من سياسته أن يعمل تغييرات في منتصف الموسم، ولكن عشان مش قادر يكمل الموسم بالمشاكل دي، عمل فكرة المساعد للمدير الرياضي، ويجيب الفكر اللي يمشي مع اللعيبه دي».

وزاد: «سيد عبدالحفيظ ظلم أي مدير كرة هيجي بعده، لأنه من وجهة نظري أقوى مدير كرة جيه في تاريخ مصر، عشان كدة أي حد هيجي بعده هيتظلم، ومحطوط تحت ضغط شديد جدًا».