هنا إبراهيم يسري تحتل المركز الثاني في تريند “يوتيوب” بأغنية ”بنت أبويا”

احتلت أغنية بنت أبويا، للفنانة هنا إبراهيم يسري، والتي تمت إذاعتها للمرة الأولى في الحلقة قبل الأخيرة من مسلسل موضوع عائلي 2، المركز الثاني في تريند "يوتيوب"، وتخطت المليون مشاهدة.

وحققت الأغنية نجاحًا كبيرًا، على منصات التواصل الاجتماعي، وباتت حديث الشباب على السوشيال ميديا بسبب كلماتها المؤثرة، وإحساس هنا يسرى بها.

ومن جانبها علقت هنا يسري على النجاح الذي حققته الأغنية، عبر حسابها الرسمي بموقع التواصل الاجتماعي انستجرام، وقالت في منشور جاء نصه كالتالي:
" اخيرا.. نزلت بنت ابويا..اولا عايزة اشكر ربنا اوي انه رزقني بالاغنية الحلوة اوي دي..لانها مليانة مشاعر حقيقية و صادقة اوي و كل بنت بتعيش الحالة دي مع باباها فعلا..و عشان كدة الاغنية دي خاصة بالنسبالي جدا و عشان كدة بردو امبارح بالذات كنت مفتقدة بابي اوي في حدث مهم زي ده و عارفة انه هيفرح بيها اوي لانه كان دايما يهزر و يقول (مفيش اغنية حلوة للاب يا جماعة؟ ????) ف انا غنيت للاب يا بابي اهو و عارفة انك فرحان بيها زي ما كل اب انشاءالله هيفرح بالاغنية دي مع بنته طول الحياة و الاغنية دي طالعة من قلبي لكل اب ????

وتابعت :فخورة جدا بأني جزء من مسلسل مهم زي مسلسل موضوع عاءلي و فكرة اني اغني "بنت ابويا" ده كان احلي حدث حصل ليا في ٢٠٢٢.

وأضافت :عايزة اقول شكرا كتير اوي لأحمد الجنايني علي دعمك يا حبيبي ليا و انك وثقت فيا و انك امنت بيا اوي كدة و انك دايما في ظهري.. انت عارف انا بحبك اوي قد ايه و عارف انت بالنسبالي ايه

عايزة اقول شكرا اوووي للمخرج أحمد الجندي لان كان حلم من احلامي اني اقف قدام الكاميرا بتاعتك ف شكرا انك اديتني الفرصة دي و انك كنت داعم ليا جدا