محمد صبحي منتقدا ورش الكتابة: يعني إيه 6 أو 7 يتلموا علشان يكتبوا مسلسل

قال الفنان محمد صبحي، إنه لا يفضل ورش الكتابة التي يلجأ إليها بعض المؤلفين في الفترة الأخيرة، واصفًا إياها أنها تهدد الفن بسبب اشتراك أكثر من شخص في كتابة السيناريو.

وبحسب «صبحي»: "6 أو7 يتلموا عشان يكتبوا، كل واحد يقولك سيب دا أنا أعمله، وبتبقى ورشة إخراج من 6 كل واحد له حاجة، إزاي الفن ما يخرجش من ذهن واحد؟، إزاي 6 يشتركوا في الكتابة، النحات عشان ينحت تمثال ما بيجبش واحد ينحت العين، وواحد الفم وواحد الأنف، وواحد الجبهة لا بيخرج من عقله، عشان يعمل تمثال زي نهضة مصر، محمود مختار وغيرهم، احنا عندنا مرض مخيف بيهدد الفن، وصدق الفن هي مسألة الورش".

وكشف الفنان محمد صبحي، عن رأيه في فكرة سفر النجوم للخارج، من أجل مشاهدة عمل، قائلًا: "ما بأسعاش أسافر للدول العربية، احنا كان كل الأخوة العرب بييجوا مصر، ويحضروا 30 مسرحية في السوق، أنا هافضل مكاني عشان هما اللي ييجوا يتفرجوا، إذا حبوا يتفرجوا، لأن أنا باحب بلدي، ومن حقي أحب بلدي، وأحافظ على ريادتها".

واختتم «صبحي»، حديثه قائلًا: "يوميات ونيس مسلسل عايش، هو وفارس بلا جواد، ومازال يذاع حتى الآن، وهما من الأعمال اللي شايف إنها بتوثق فترة تاريخية في مصر وبيتم فيها تعرية للعدو".