سمية الخشاب: باحب الصعايدة وأنا أحلى من جورجينا ومفيش زيي

قالت الفنانة سمية الخشاب، إنها تحب الصعايدة لأنهم أجدع رجالة، مُضيفة أنها تحب لاعب الكرة الشهير كريستيانو رونالدو، لأنه مثابر وناجح.

وبحسب «الخشاب»، في تصريحات تلفزيونية: "أنا عندي مشاعر بريئة لـ رونالدو وبحب دماغه وتركيزه ولعبه؛ لأنه شخص مضيع عمره في التمرين وأنا واحدة أهلاوية وبحب مجدي عبد الغني وهو أفضل لاعب بالنسبة لي، وبحب محمد صلاح لأنه راجل صعيدي وأنا بحب الصعايدة لأنهم أجدع رجالة".

وعلقت سمية عن مقارنتها بـ جورجينا، صديقة كريستيانو، قائلة: "مفيش حد زيي لأني أحلى من جورجينا ومفيش واحدة عندها جاذبية وحلاوة ودم خفيف كدا، وأنا مش بـ أغير من أي ست لأن ربنا خلقني جميلة وفيا كل حاجة أغير ليه؟ وطول عمري بـ أخجل وباستحي لما أشوف حد مشهور من زمان حتى قبل ما أكون معروفة وبتكسف أسلم على المشاهير".

وفي وقتٍ سابق، أعربت سمية الخشاب عن سعادتها بمسرحيتها «كازينو بديعة»، مُضيفة: "أنا سعيدة بـ رجوعي للمسرح بعد غياب طويل لأني بحب العالم دا، وبقدر أظهر كل قدراتي على المسرح من استعراضات وتمثيل وغناء وهعمل مسرحيات الفترة الجاية".