أحمد السقا: مسلسل حرب كان مغامرة ممكن تكنس تاريخي

تحدث عن كواليس مشاركته في مسلسل حرب مع الفنان محمد فراج والمخرج نادر جلال، الذي ينافس به في الثلث الأخير من موسم دراما رمضان 2023.

وقال «السقا» في تصريحات إذاعية: "ما كانش فعلًا عندي حاجة في الدراما الرمضانية السنة دي، وقبل شهر رمضان بأيام معدودة لقيت الراجل بتاعي محمد حسن مدير أعمالي بيكلمني بيقولي عايزك ضروري".

وأضاف: "في العادي بتاعي لما بيبقى عندي يوم إجازة مش بحب اتكلم في شغل، بروح أتمرن وأركب خيل ومابأعملش حاجة تاني.. ولقيته بيقولي عندي مصيبة في البيت ومش هينفع في التليفون".

وتابع أحمد السقا: "روحت له على البيت وقال لي كنت قاعد مع فلان وفلان كلموني عشان هنعمل مسلسل في رمضان وهنبدأ تصوير يوم التلات الجاي، قولت له أنت بتهزر قالي لا، فطلبت أقعد مع أستاذ أحمد نادر جلال والمؤلف هاني سرحان تاني يوم الصبح على الأقل يحكوا لي".

واختتم أحمد السقا حديثه في هذا الشأن، قائلًا: "وقولت يا واد أنت لو خدت الريسك دا هيبقى حاجة من اتنين يا هتلبس في حيطة يا إما هتبقى كنست تاريخك كله ويبقى نقطة ومن أول السطر، وكانت مغامرة تستحق الريسك، وبعدين وافقت ولكن قولت لهم مش هنصور التلات هنصور السبت، عشان أكون لحقت أقرأ وأذاكر".