مفاجأة.. حمادة هلال يعلن تقديم الجزء الرابع من مسلسل المداح

أعلن الفنان حمادة هلال تقديم جزء الرابع من مسلسل المداح بعد نجاح أجزائه الثالث بعنوان أسطورة العشق، والذي تم عرضه في السباق الرمضاني الماضي.

وقال حمادة هلال على هامش تكريمه في الجامعة البريطانية: إن شاء الله في المداح الجزء الرابع، وبإذن الله ينال إعجاب الجمهور.

وتابع: مقولتش أني بعدت عن السينما عشان خايف عليها، أنا نفسي أعمل عمل في السينما يكون مختلف زي ما عملنا في الدراما وبدايتي كانت سينما، والسينما دلوقتي محتاجة الرجوع ليها بعمل مختلف جدا وقريبا يبقى في عمل انشاء الله.

وكان قد قال حمادة هلال خلال حواره في احدى البرامج : كل الأفلام والأجزاء الكبيرة في المسلسلات والسوبر هيرو بالنسبالهم هو راجل الدين بيخرج الشياطين واحنا مش بنخوف الناس العكس الناس بتشوف وبتعرف أن الحاجة دي سهل جدًا تبقى حواليك وفي نفس الوقت انت العلاج عندك اهو وهو ربنا مفيش احسن منه.

وتابع: احنا كنا على شعرة، و الشعرة دي انت ممكن تقول حاجة تضل بيها ناس تخلي الناس تقول كده وموضوع الجمل اللي مخلوق من نار مكنتش الناس تعرف كده وكان في الجزء الثاني.

وأردف: أما في الجزء الثالث كان عن الأم ممكن تبقى حامل في شيطان هو الموضوع صعب وكان دراما وفتحنا باب الخيال والانسان وارد يحصله كده والرسول كان استعيذ من الشيطان في كل حاجة وربنا ذكر الحور العين في القرآن.